Müdafiəçi Matteo Qabbiya icarə əsasında oynadığı İspaniya "Vilyarreal"ını erkən tərk edəcək.
Milli.Az fanat.az-a istinadən xəbər verir ki, bu barədə insayder Matteo Moretto sosial şəbəkə hesabında paylaşım edib.
Mənbənin məlumatına görə, La Liqa təmsilçisi futbolçunu yenidən "Milan"a buraxmağa hazırdır. Tərəflər icarə müqaviləsinin pozulması məsələsini razılaşdırmağa çalışırlar. "Rossonerilər" bir neçə müdafiəçinin zədəsi səbəbindən Qabbiyanı geri qaytarmaq qərarına gəlib.
24 yaşlı müdafiəçi bu mövsüm İspaniya çempionatında 7 oyun keçirib və iki sarı vərəqə alıb.
İtaliya çempionatının 17 turundan sonra "Milan" 33 xal toplayıb və turnir cədvəlində 3-cü pillədə qərarlaşıb.
Milli.Az
Xəbərlərimizi WhatsApp kanalımızdan da oxuyun