Moskvada Qazaxıstanın birinci Prezidenti Nursultan Nazarbayevlə Rusiya Prezidenti Vladimir Putin arasında görüş keçirilib.
Milli.Az qafqazinfo-ya istinadən xəbər verir ki, bu barədə məlumatı Kremlin rəsmi sözçüsü Dmitri Peskov açıqlayıb.
"O, həqiqətən də Moskvada olub və Putinlə şəxsi görüş keçirib. Bunu təsdiq edə bilərik", - deyə Peskov qeyd edib.
Bununla belə, o, görüşün detallarını açıqlamayıb.
Qeyd edək ki, N.Nazarbayev 1990-cı ildən 2019-cu ilin martına qədər Qazaxıstana rəhbərlik edib.
Milli.Az
Xəbərlərimizi WhatsApp kanalımızdan da oxuyun