Müəllimləri daşıyan avtobus yük maşını ilə toqquşdu - xeyli yaralı və ölən var

13 Dekabr 2023 21:29

Rusiya Federasiyasının Vladimir vilayətində müəllimləri daşıyan avtobus ilə yük maşını toqquşub.

Milli.Az APA-ya istinadən bildirir ki, bu barədə vilayət qubernatoru Aleksandr Avdeyev "Telegram" kanalında məlumat verib.

Hadisə nəticəsində 23 nəfər xəsarət alıb, onlardan ikisi reanimasiyadadır.

Yeddi nəfərin vəziyyəti orta-ağırdır.

Qəza zamanı avtobusun sürücüsü yerindəcə dünyasını dəyişib.

Milli.Az