İsrail ordusu Qəzza zolağında yeraltı tunellər sisteminə dəniz suyunu vurmağa başlayıb.
Milli.Az Publika.az-a istinadən xəbər verir ki, bu barədə Amerikanın "The Wall Street Journal" (WSJ) qəzeti ABŞ rəsmilərinə istinadla məlumat yayıb.
İsrail ordusunun məlumatına görə , bu tunellər şəbəkəsi Fələstinin radikal HƏMAS hərəkatının yaraqlıları tərəfindən istifadə olunur. Tunellərin su basması əməliyyatının bir neçə həftə çəkə biləcəyi dəqiqləşdirilir.
WSJ-nin məlumatına görə, bu, HƏMAS-ın infrastrukturunu məhv etməyə yönəlmiş üsullardan biridir.
Qeyd edək ki, dekabrın 11-də İsrailin müdafiə naziri Yoav Qalant bildirib ki, Qəzzanın şimalı "dönüş nöqtəsində"dir. O bildirib ki, HƏMAS-ın qalaları dağılmaq ərəfəsindədir.
Bundan əvvəl İsrailin baş naziri Benyamin Netanyahu Qəzza zolağında HƏMAS və FƏTH-in ( Fələstin Milli Azadlıq Hərəkatı ) idarə etməsinə icazə verməyəcəyinə söz verib.
Milli.Az