Litva hazırda Rusiya Federasiyası ilə sərhəd keçidlərini bağlamaqda Finlandiyadan nümunə götürmək niyyətində deyil.
Milli.Az report-a istinadən xəbər verir ki, bunu Baltikyanı respublikanın daxili işlər naziri Aqne Bilotayte deyib.
"Sərhədimizdə hər şey sakitdir, ona görə də keçid məntəqələrinin bağlanmasına hələ ehtiyac görmürük", - deyə o bildirib.
Nazir həmçinin qeyd edib ki, sərhəddəki vəziyyətlə bağlı region ölkələri səviyyəsində operativ məlumat mübadiləsi aparılır: "Biz daimi əlaqə saxlayırıq və real vaxt rejimində vəziyyət haqqında məlumat paylaşırıq".
Milli.Az