Təbrizdə üzərinə "Düşüncəmizin adı: Yürüş" şüarı yazılan Güney Azərbaycanın milli mücadilə bayrağı divarlara vurulub.
Milli.Az xəbər verir ki, bu barədə Axar.az-a güneyli milli fəallar məlumat verib.
Məlumata görə, bayraq tanınmış milli-mədəni fəal Yürüş Mehrəlibəyli və başqa fəalların uzunmüddətli həbsi ilə əlaqədar keçirilən aksiyalar çərçivəsində Təbriz küçələrinin divarlarına, o cümlədən, ictimai nəqliyyat vasitələrinin oturacaqlarına yapışdırılır.
Sözügedən fəalların uzun müddətdir azadlığa buraxılmaması və onlara işgəncə verilməsi səbəbindən Güney Azərbaycan şəhərlərində etirazlar hələ də davam edir.
Milli.Az