Səudiyyə Ərəbistanı neft hasilatını gələn il də azaltmaq niyyətindədir.
Milli.Az Trend-ə istinadən bildirir ki, "OPEC+" neft qiymətlərinin ucuzlaşması və İsrail-Fələstin müharibəsi fonunda hasilatı daha da azaltmağı nəzərdən keçirir.
Səudiyyə Ərəbistanı hökumətinə yaxın mənbələr ölkənin neft hasilatını gündəlik 1 milyon barrel azaltmaq barədə qərarını, böyük ehtimalla, ən azı yazadək davam etdirəcəyini bildiriblər.
Qeyd edək ki, Səudiyyə Ərəbistanı hazırda gündəlik 9 milyon barrel neft hasil edir, ölkənin maksimum neft hasilatı isə gündəlik 12 milyon barreldir.
"OPEC+" ölkələri noyabrın 26-da Vyanada keçiriləcək görüşdə neft hasilatında əlavə ixtisarları müzakirə etmək niyyətindədir.
Qeyd edək ki, "OPEC+" ölkələrinin son görüşü iyunun 3-4-də baş tutub. Daha sonra OPEC+ 2024-cü ildən neft hasilatını azaltmağa qərar verib.
Milli.Az
Xəbərlərimizi WhatsApp kanalımızdan da oxuyun