İndiyədək humanitar yardım daşıyan 850-dən çox yük maşını Qəzza zolağına daxil olub.
Milli.Az Trend-ə istinadən xəbər verir ki, bu barədə İsrail Müdafiə Qüvvələrinin sözçüsü Conatan Konrikus bildirib.
Onun sözlərinə görə, humanitar yardım ərzaq, dərman və çadırlardan ibarətdir.
Qeyd edək ki, oktyabrın 7-də İsrailə hücumlar olunub. Əvvəlcə Qəzza bölgəsindən reaktiv mərmilərlə kütləvi atəş açılıb, daha sonra döyüşçülər əraziyə qurudan, havadan və sudan daxil olublar.
İsrail müharibə vəziyyəti elan edib. Bundan başqa, İsrailin müdafiə naziri Yoav Qallant ehtiyatda olan hərbçilərin kütləvi çağırışını elan edib.
Milli.Az
Xəbərlərimizi WhatsApp kanalımızdan da oxuyun