Ermənilərin təcavüzü nəticəsində Zəngilandan zorla ayrıldığım 1993-cü ili indiki kimi xatırlayıram, çox çətin günlər idi. Bu gün isə yurdumuza qayıdırıq. Allah şəhidlərimizə rəhmət etsin, onların sayəsində torpaqlarımız işğaldan azad olundu.
Milli.Az AZƏRTAC-a istinadən bildirir ki, bu sözləri müsahibəsində doğma yurduna qayıdan Zəngilan rayonunun Ağalı kənd sakini Zeynəb Alıyeva söyləyib.
Zəngilandan oktyabr ayında ayrıldığını bildirən Z. Alıyeva deyib: "Təxminən otuz ildən sonra eyni ayda- oktyabrda məcburi köçkün düşdüyümüz doğma yerlərə gedirik".
Milli.Az