İraqda ABŞ hərbçilərinin yerləşdiyi bazaya hücum...

24 Oktyabr 2023 23:57

İraqın Ənbar əyalətində ABŞ əsgərlərinin yerləşdiyi Ayn-əl-Əsəd aviabazası raket atəşinə tutulub.

Milli.Az axar.az-a istinadən bildirir ki, bu barədə İraqın təhlükəsizlik mənbələri məlumat yayıb.

Bildirilib ki, 2 ədəd Qrad raketi baza ətrafında açıq əraziyə düşüb.

Hücum zamanı dağıntı və tələfat yoxdur.

Qeyd edək ki, İsrail-Fələstin münaqişəsinin kəskinləşməsi fonunda son zamanlar ABŞ hərbi kontingentinin Suriyada yerləşdiyi bazalara hücumların sayı artıb.

Milli.Az