Serbiya prezidenti Aleksandr Vuçiç qoşunların Kosovoya daxil olmasını əmr etmək niyyətində deyil.
Milli.Az teleqraf.com-a istinadən bildirir ki, bu barədə "Financial Times" nəşri yazır.
Vuçiç bildirib ki, bölgədəki serb qoşunlarının sayını azaldacaq, çünki münaqişənin gərginləşməsi yaxşı nəsə vəd etmir.
Bundan əvvəl Şimali Atlantika Şurası regionda vəziyyəti sabitləşdirmək üçün Kosovodakı hərbi kontingentinin (KFOR) istifadəsinə icazə verib. Müvafiq bəyanatı NATO-nun mətbuat xidməti yayıb.
Qeyd olunur ki, 2023-cü ilin mayında Alyansın rəhbərliyi Kosovoda öz hərbi qüvvələrinin mövcudluğunu gücləndirib. Eyni zamanda aydınlaşdırılır ki, zərurət yaranarsa, beynəlxalq təşkilat KFOR qüvvələrinin onlara həvalə edilmiş vəzifələri səmərəli şəkildə yerinə yetirməsi üçün əlavə tədbirlər görməyə hazırdır.
Sentyabrın 24-nə keçən gecə Kosovonun şimalında naməlum şəxslər yerli hüquq-mühafizə orqanlarının əməkdaşlarına atəş açıb. Eyni zamanda, bölgədəki NATO qüvvələri vəziyyətin həllinə qoşulmağa hazır olduqlarını bəyan ediblər.
Daha sonra bir qrup maskalı silahlı şəxs Banska pravoslav monastırının ərazisinə soxulub.
Milli.Az