Vilnüs prokurorluğu əvvəllər "Rammstein" qrupunun solisti Till Lindemannı cinsi qısnamada ittiham edən irlandiyalı Şelbi Linnə qarşı istintaqa başlayıb.
Milli.Az olay-a istinadən bildirir ki, irlandiyalı qadın may ayında Vilnüsdə "Rammstein" konsertindən sonra ittihamlarla çıxış edib.
Bundan sonra, iyunun 14-də Berlində Lindemann barəsində istintaq başladılıb. Solist cinsi cinayətlərdə və narkotik vasitələrin yayılmasında şübhəli bilinib.
Kifayət qədər dəlil tapılmadığı üçün istintaqa avqustun 29-da son verilib.
Hazırda qadının böhtan atması ilə bağlı araşdırma aparılır.
Araşdırma iyul ayında Lindemannın vəkilinin Litva prokurorluğu ilə əlaqə saxlamasından sonra başlayıb.
Milli.Az