"Mən bu gün tamaşaçı sevgisini görüb bir daha əmin oldum ki, deməli, kinonun içində olmağa, ömrümü kinoya həsr etməyimə dəyərmiş".
Milli.Az report-a istinadən xəbər verir ki, bunu jurnalistlərə açıqlamasında Xalq artisti, kinorejissor Vaqif Mustafayev Nizami Kino Mərkəzində 70 illik yubileyi münasibətilə keçirilən yaradıcılıq gecəsində deyib.
O bildirib ki, filmlərində Qarabağın azad olunmasına dair nüanslar hələ 90-cı illərdən olub: "Bu gün isə artıq bu məsələ öz həllini tapıb".
Qeyd edək ki, Azərbaycanın Xalq artisti, kinorejissor Vaqif Mustafayevin 70 illik yubileyinə həsr olunmuş yaradıcılıq gecəsi keçirilir.
Milli.Az