ABŞ-də atışma zamanı hamilə qadın ölüb, xəsarət alanlar var

23 İyul 2023 12:46

ABŞ-ın Texas ştatının Hyuston şəhərində şənlik mərasimində atışma nəticəsində bir nəfər ölüb, daha dörd nəfər yaralanıb.

Milli.Az report-a istinadən xəbər verir ki, bu barədə ABC telekanalı məlumat yayıb.

Məlumata görə, atışma ad günü şənliyində münaqişə zəminində baş verib. Mərhum doğum günü keçirilən qadındır. O, 5 ay imiş hamiləymiş.

Hakimiyyət orqanları iki şübhəli şəxs də daxil olmaqla üç nəfərin xəstəxanaya aparıldığını bildiriblər. Digər zərərçəkmiş isə xəstəxanaya müraciət etməyib.

Müstəntiqlər digər şübhəlilərin aşkarlanması üzərində işləyirlər.

Milli.Az