"Rossiya Seqodnya" media qrupunun və RT kanalının baş redaktoru Marqarita Simonyan Krım körpüsünün partladılmasına reaksiya verərək, Kiyevin mərkəzinə cavab zərbələri endirilməsinə eyham vurub.
Milli.Az Axar.az-a istinadən bildirir ki, o, bu barədə Teleqram kanalında yazıb.
"Bankovaya (Kiyevdə Ukrayna Prezidentinin Ofisinin yerləşdiyi küçə) hələ də yerindədir, yoxsa orada artıq nəhəng quyu (bomba partlayışında yaranmış çuxur - red.) var? Bəs Radanın binası hələ də dağıdılmayıb? Bəs Dnepr üzərindəki körpülər haqqında nə demək olar? Hələ də durur?" - o bildirib.
Qeyd edək ki, 17 iyulda Krım körpüsünü 2 dronla hücum edilib, nəticədə dağıntı var və iki nəfər ölüb.
Milli.Az