Ukrayna ordusu Rusiya işğalı altında olan Luqansk şəhərinə zərbələr endirib.
Milli.Az axar.az-a istinadən bildirir ki, bununla bağlı Teleqram kanallarında görüntü paylaşılıb.
Məlumata görə, şəhərin cənubunda silsilə partlayışlar baş verib.
***
Ukrayna Silahlı Qüvvələri Luqansk şəhərinin cənub-qərb hissəsinə kasetli sursatlardan istifadə edərək zərbələr endirib.
Bunu Luqansk "xalq milis dəstəsi"nin "polkovnik-leytenantı" Andrey Maroçko deyib.
"Luqansk şəhərinin cənub-qərbində kasetli sursat partlayışlarına oxşar partlayışlar oldu. Güman edə bilərəm ki, bu, kaset hissələri ilə birlikdə uzaq mənzilli raket idi", - Maroçko bildirib.
Milli.Az