Ukrayna hərbçiləri gün ərzində Tavriya istiqamətində Rusiya ordusunun bir bölükdən çox (200-ə yaxın əsgər) hərbçisini zərərsizləşdirib.
Milli.Az "Report"a istinadən xəbər verir ki, bu barədə Ukrayna ordusunun briqada generalı, "Tavriya" əməliyyat-strateji qoşunlar qrupunun komandanı Aleksandr Tarnavski teleqram kanalında məlumat yayıb.
Onun sözlərinə görə, ukraynalı artilleriyaçılar gün ərzində 1 177 atəş missiyasını yerinə yetiriblər.
"Son 24 saat ərzində düşmənin ölən və yaralananlarla itkiləri bir bölükdən çox olub. Düşmənin 33 hərbi texnikası məhv edilib", - Tarnavski bildirib.
Son gün ərzində eləcə də 2 zirehli döyüş maşını, 2 haubitsa ("Msta-B"), 3 ədəd D-30 haubitsası, 4 PUA, 1 özüyeriyən artilleriya qurğusu 2S7 "Peony", "Strela" zenit-raket kompleksi və s. məhv edilib.
Milli.Az