Polşada təşkil olunan III Avropa Oyunlarında iştirakını başa vurmuş idmançılarımız Vətənə qayıdıb.
Milli.Az Trend-ə istinadən xəbər verir ki, Heydər Əliyev Beynəlxalq Aeroportunda idmançıların qarşılanma mərasimi olub. Mərasimdə idman ictimaiyyəti, media mənsubları, azarkeşlər, idmançıların yaxınları, ictimaiyyət nümayəndələri iştirak ediblər.
Qeyd edək ki, ölkəmizi Avropa Oyunlarında 86 idmançı 13 növdə təmsil edib.
Azərbaycan idmançıları III Avropa Oyunlarını 11 medalla başa vurub. Bunun 3-ü qızıl, 2-si gümüş və 6-sı bürünc əyarlıdır. Komandamız ümumi hesabda isə 24-cü yeri tutub.
Milli.Az