Çexiyanın şimalındakı Liberets şəhəri yaxınlığında sərnişin qatarı yük maşını ilə toqquşub, ikisi uşaq olmaqla 21 nəfər yaralanıb.
Milli.Az report-a istinadən xəbər verir ki, bu barədə jurnalistlərə xilasedicilər və yanğınsöndürənlərin birgə xidmətinin nümayəndəsi Mixail Georgiyev bildirib.
Qatarda 65 sərnişin, o cümlədən yerli məktəblərdən birinin 19 şagirdi olub. Həkimlər zərərçəkənləri müayinə edib və müəyyən ediblər ki, onlardan 9-nun xəsarətləri orta-ağır, qalanları isə yüngül xəsarətdir.
Hadisənin səbəbləri polis tərəfindən araşdırılır. Dəmir yolunun qəza baş verən hissəsində təmir işlərinə ehtiyac olduğu üçün hərəkət yalnız bir neçə günə bərpa olunacaq.
Milli.Az