Britaniya Baş nazirinin ticarət elçisi Bakıya gəlir

29 May 2023 10:03

Böyük Britaniyanın Baş nazirinin ticarət elçisi Baronessa Emma Nikolson bu gün Azərbaycana səfər edəcək.

Milli.Az Trend-ə istinadən bildirir ki, Baronessa Emma Nikolsonun Bakı Enerji Həftəsində iştirak etmək və Böyük Britaniyanın Azərbaycanla iqtisadi əlaqələrin gücləndirilməsinə sadiqliyini vurğulamaq üçün bu gün Azərbaycana dördgünlük rəsmi səfəri başlayır.

Baronessa Emma Nikolson Bakıda energetika naziri Pərviz Şahbazov, mədəniyyət naziri Anar Kərimov, parlamentin sədri Sahibə Qafarova və enerji, tikinti və tibb şirkətlərinin nümayəndələri ilə görüşəcək.

Baronessa Emma Nikolson səfəri zamanı enerji bazarı imkanlarını və Azərbaycanın təmiz enerjiyə keçidini müzakirə etmək üçün "Baku Connect" tədbirində iştirak edəcək.

O, həmçinin Bakı Enerji Həftəsi və Bakı Enerji Forumunda iştirak edəcək.

Milli.Az