Amerikanın "Abrams" tanklarının bu il payızın əvvəlində Ukraynaya gəlməsi gözlənilir.
Milli.Az "report"a istinadən bildirir ki, bunu ABŞ-ın müdafiə naziri Lloyd Ostin deyib.
"Biz bu tankların çatdırılmasını sürətləndirmək üçün əlimizdən gələni edirik, payızın əvvəli - proqnoz belədir", - o deyib.
Ostin həmçinin qeyd edib ki, ABŞ indi tankları dəstəkləmək və saxlamaq üçün infrastruktur yerləşdirir.
Xatırladaq ki, daha əvvəl Ukraynanın müdafiə naziri Oleksiy Reznikov "Abrams" tanklarının Ukrayna Silahlı Qüvvələrinin bu əks-hücumunda iştirak etməyəcəyini bildirmişdi. Bununla belə, ukraynalı ekipajlar artıq təlimə gediblər.
Milli.Az