Rusiyanın Kalininqrad vilayətində ana yeni doğduğu qızını öldürüb.
Milli.Az lent.az-a istinadən bildirir ki, Neman şəhər sakini yeni doğulmuş qızı öldürməkdə şübhəli bilinir.
Faktla bağlı 30 yaşlı qadın barəsində Rusiya Federasiyası Cinayət Məcəlləsinin 106-cı maddəsi (yeni doğulmuş uşağın öldürülməsi) ilə cinayət işi başlanıb.
Hüquq-mühafizə orqanlarının məlumatına görə, martın sonunda bir qadın Kalininqradda tərk edilmiş ərazidə uşaq dünyaya gətirib. Dərhal sonra qızı su qabında boğub, meyiti torbaya büküb və qonşu ərazidə kəsilmiş ağac budaqlarının altında gizlədib.
Körpənin plastik torbaya bükülmüş cəsədi aprelin sonunda Kalininqradda tərk edilmiş ərazidə tapılıb.
Milli.Az