Sankt-Peterburqda hərbi jurnalist Vladlen Tatarskinin qətlində şübhəli bilinən Darya Trepova barəsində Moskvada həbs qətimkan tədbiri seçiləcək.
Milli.Az axar.az-a istinadən xəbər verir ki, bu barədə hüquq-mühafizə orqanlarındakı mənbə bildirib.
"Ehtimal ki, onun barəsində həbs qətimkan tədbiri Moskvada seçiləcək", - mənbə əlavə edib.
Qeyd edək ki, bazar günü Sankt-Peterburqda kafedə partlayış baş verib. Hərbi müxbir Vladlen Tatarski (əsl adı Maksim Fomin) ölüb, 33 nəfər yaralanıb. Bazar ertəsi hadisədə şübhəli bilinən 26 yaşlı Sankt-Peterburq sakini Darya Trepova saxlanılıb.
Milli.Az