Fransada pensiya islahatına qarşı etiraz aksiyalarında iğtişaşların yatırılması zamanı ən azı 123 polis və jandarmeriya əməkdaşı yaralanıb.
Milli.Az Trend-ə istinadən xəbər verir ki, bu barədə ölkənin daxili işlər naziri Jerald Darmanen öz "Twitter" səhifəsində bildirib.
"Son məlumatlara görə, 123 polis və jandarmeriya əməkdaşı yaralanıb, 80-dən çox insan saxlanılıb", - deyə nazir qeyd edib.
Qeyd edək ki, martın 23-də Fransa şəhərlərində pensiya islahatına qarşı ümumi etirazın doqquzuncu günü keçirilib.
Milli.Az