Türkiyədə zəlzələ nəticəsində həlak olanların sayı 50 096 nəfərə çatıb.
Milli.Az Trend-ə istinadən bildirir ki, bu barədə Türkiyənin Təbii Fəlakət və Fövqəladə Hallar Agentliyinin (AFAD) sədri Yunus Sezer məlumat verib.
Onun sözlərinə görə, yaralıların sayı isə 107 204 nəfərdir.
Xatırladaq ki, fevralın 6-da Türkiyədə səhər saatlarında 7.7 bal gücündə zəlzələ baş verib. Dərinliyi 7 kilometr olduğu müəyyən edilən zəlzələ Hatay, Qaziantep, Kilis, Osmaniye, Malatya, Adıyaman, Şanlıurfa, Diyarbəkir, Adana və Kahramanmaraş vilayətlərində ciddi dağıntılara səbəb olub.
Milli.Az