Vaxtilə cərimə zərbələri və penaltiləri ustalıqla yerinə yetirməsi ilə tanınan əfsanəvi qapıçı Rocerio Seni hazırda ona doğma olan "San Paulo"nun baş məşqçisidir.
Milli.Az xəbər verir ki, komandanın nəticələri heç də ürəkaçan deyil. Bu məqam 50 yaşlı mütəxəssisi xeyli narahat edir. Ona görə də Rocerio tez-tez əsəbi halda görüntülənir. O, ehtiyat oyunçular skamyasında həddindən artıq emosional davranır. Onun hərəkətləri sosial şəbəkələrdə geniş müzakirə edilir.
Qeyd edək ki, Rocerio Seni karyerası ərzində "Sinop" və "San Paulo" klublarında çıxış edib. O, qapıçı olmasına rəğmən, sonuncuların tarixinin 10 məhsuldar futbolçusundan biridir. Seni 128 qol vurmaqla buna nail olub. (publika)
Milli.Az