Rusiyanın Volqoqrad vilayətində üç yaşlı uşağı döyən qadına qarşı cinayət işi açılıb.
Milli.Az Lent.az-a istinadla bildirir ki, qadın körpəni ağladığı üçün mütəmadi olaraq döyüb.
Martın 13-də Volqoqrad vilayətinin Kotelnikovski rayonundakı Nijniye Çerni kəndində azyaşlı uşaq xəstəxanaya aparılıb. Uşağın ağır döyüldüyü üzə çıxıb. Müstəntiqlərin müəyyən etdiyi kimi, fevraldan mart ayına qədər azyaşlı öz xalasıgildə yaşayıb, anası xəstəxanada olub.
Qadın körpəni saxlayarkən qəddar üsullara əl atıb. Belə ki, uşaq ağlayanda xala onu döyüb.
Azyaşlıya işgəncə verilməsi faktı ilə bağlı rayon prokurorluğunda cinayət işi açılıb.
Həkimlər xəsarət alan oğlanın vəziyyətini orta ağır kimi qiymətləndirib.
Milli.Az