Martın 12-də gecə 3 radələrində İranın Şərqi Azərbaycan vilayətinin Təbriz şəhərində yaşayış binasında güclü partlayış olub.
Milli.Az Axar.az-a istinadən xəbər verir ki, hadisədə 5 nəfər ölüb, 4 nəfər yaralanıb.
Bildirilib ki, partlayış 100 evə təsir edib. Şərqi Azərbaycanın Fövqəladə Hallar İdarəsinin rəhbəri Məhəmməd Xanbərar olayda 3 yaşayış evinin tamamilə dağıldığını açıqlayıb.
Xanbərar partlayışın səbəbi haqqında açıqlama verməyib.
Əraziyə çoxlu sayda xilasedici göndərilib.
Qeyd edək ki, partlayışın baş verdiyi ərazidə SEPAH-a bağlı "Aşuranın 31-ci korpusu"nun yerləşdiyi bildirilir.
Milli.Az