Ukrayna hərbi büdcəsini rekord həddə qaldırır

12 Mart 2023 20:58

Ukraynanın bu il üçün dövlət büdcəsinin dəyişdirilməsi planlaşdırılır. Hərbi xərclər 500 milyard qrivna (13,61 milyard dollar) artırılacaq.

Milli.Az Axar.az-a istinadən xəbər verir ki, bu barədə Ali Radanın deputatı Yaroslav Jeleznyak məlumat verib.

Deputat vurğulayıb ki, bu, Ukrayna tarixində büdcədə ən böyük artımdır.

Bundan əvvəl Y.Jeleznyak bildirib ki, cari ilin yanvar və fevral aylarında beynəlxalq tərəfdaşlar büdcə yardımı kimi Ukraynaya 6,3 milyard dollar köçürüblər.

Milli.Az