Premyer Liqanın 25-ci turunda "Liverpul" doğma meydanda "Mançester Yunayted"i 7:0 hesabı ilə məğlub edib.
Milli.Az APA-ya istinadən bildirir ki, görüş "Enfild" stadionunda baş tutub. Qolları Kodi Qakpo (43-cü və 50-ci dəqiqə), Darvin Nunes (47, 75), Məhəmməd Salah (66, 83), Roberto Firmino (88) vurub.
Daha əvvəl eyni hesabla "Blekbern" (1926), "Aston Villa" (1930) və "Vulverhempton"a (1931) məğlub olan "Mançester Yunayted" tarixində dördüncü dəfə 0:7 hesabı ilə məğlub olub. Bu nəticə klub tarixində ən böyük hesablı məğlubiyyətdir.
Milli.Az