Rusiyada yaşayan məşhur azərbaycanlı opera müğənnisi, Xalq artisti Yusif Eyvazovun ailəsində ağır itki baş verib.
Milli.Az axşam.az-a istinadən xəbər verir ki, sənətçinin xalası vəfat edib. Bu haqda Y.Eyvazov özü məlumat yayıb:
"Xalam rəhmətə getdi.. Bu inanılmaz qadının mədəniyyətinə, ağlına, danışıq qabiliyyətinə, hamımıza qarşı həssas münasibətinə, ən çətin məsələləri çox asan həll etmək bacarığına həmişə heyran olmuşam. Həyatda hər şeyə özü nail olub. Hər birimiz üçün əziz insan idi. Hətta xəstəlik və ağrı anlarında belə bunu heç kimə hiss etdirmədi.
Mən səni çox sevirəm və həmişə xatırlayacağam!".
Milli.Az