Türkiyədə faciə: voleybol komandası bütünlüklə xarabalıqlar altında qalıb - FOTO

6 Fevral 2023 13:37

Türkiyənin Hatay şəhərinin qadınlardan ibarət "Hatay" voleybol klubunun oyunçularının hamısı ölüm təhlükəsindədir.

Milli.Az bildirir ki, Hatay şəhərindəki Antakya İdman Salonunun yanında, Cumhuriyyət məhəlləsindəki Bostan küçəsində yerləşən 1 saylı binada "Hatay"ın 14 qadın oyunuçusu məskunlaşmışdı.

Zəlzələ baş verən andan bəri onlardan bir xəbər yoxdur.

"Alanya Bələdiyyəspor" klubunun prezidenti Mehmet Erken 14 voleybolçu xanımın dağıntılar altında qaldıqlarını, onlara dərhal yardım edilərək xilas olunmalarını təvəqqe edib.

Milli.Az