Toivo Klaar Paşinyanla görüşdü

23 Yanvar 2023 19:50

İrəvanda səfərdə olan Avropa İttifaqının (Aİ) Cənubi Qafqaz və Gürcüstan böhranı üzrə xüsusi nümayəndəsi Toivo Klaar Ermənistan Baş naziri Nikol Paşinyanla görüşüb.

Milli.Az APA-ya istinadən bildirir ki, tərəflər regiondakı vəziyyəti müzakirə ediblər.

Görüşdə Aİ-nin yeni missiyasının Ermənistan-Azərbaycan sərhədində yerləşdirilməsi də müzakirə olunub və vurğulanıb ki, bu, Cənubi Qafqazda təhlükəsizlik və sabitliyə töhfə verəcək.

Toivo Klaar və Nikol Paşinyan Laçın yolundakı vəziyyətə dair də fikir mübadiləsi aparıblar.

Milli.Az