Bazar günü açılışı olacaq Kağıthane stansiyasından İstanbul Hava Limanına qədər olan metro xətti Türkiyənin ən sürətli metro xətti olacaq. Bu xətt üzrə qatarların sürəti saatda 120 kilometr olacaq.
Milli.Az Trend-ə istinadən bildirir ki, bu barədə Türkiyə nəqliyyat və infrastruktur naziri Adil Karaismayıloğlu deyib.
"Bu, Türkiyənin ən sürətli metrosu olacaq. Kağıthanedən İstanbul Hava Limanına qədər gediş müddəti 24 dəqiqə təşkil edəcək", - deyə nazir qeyd edib.
Onun sözlərinə görə, xəttin ümumi uzunluğu 69 kilometrə çatacaq.
Milli.Az