Bu ölkədə balina əti satılır

21 Yanvar 2023 12:40

Yaponiyanın balina ovu şirkəti ticarəti stimullaşdırmaq üçün balina ətini avtomatlarda satmağa başlayıb.

Milli.Az oxu.az-a istinadən xəbər verir ki, Tokioda yerləşən "Kyodo Senpaku" firması paytaxtda və başqa yerlərdə balina dərisi, dondurulmuş balina əti və konservləşdirilmiş bişmiş balina əti satan dörd avtomat quraşdırıb.

Şirkət gələn aya qədər 1000-3000 yen (təxminən 13-39 AZN) arasında dəyişən məhsullar satan daha üç avtomat quraşdırmağı planlaşdırır.

Ət yaxşı satılarsa, şirkət 5 il ərzində 100-ə qədər avtomat açmağı planlaşdırır.

Ekoloqlar bu addımı qınayıblar.

Milli.Az