Baxmut istiqamətindəki vəziyyəti yaxşılaşdırmaq üçün Ukrayna hərbçilərinə əlavə silah və şəxsi heyətin artırılması lazımdır.
Milli.Az Axar.az-a istinadən xəbər verir ki, bunu Ukrayna Milli Qvardiyasının tabor komandiri Yevgeni Oropay deyib.
Onun sözlərinə görə, rus ordusu dayanmadan Baxmutdakı Ukrayna mövqelərinə hücumlar edir:
"Əgər bizə tanklar verilsə, minaatanlar, artilleriyalar, aviasiya daha çox işləsə, Baxmutdakı vəziyyət yaxşılaşa bilər. Bu istiqamətdə canlı qüvvə yetərincədir, amma rotasiya üçün kifayət etmir. Hərbçilər bəzən 2-3 sutka soyuq səngərlərdə qalır, kifayət qədər qidalanmır, qızınmır və xəstələnirlər. Rus ordusunun daim mövqelərimizə hücumu vəziyyəti çətinləşdirir. Artilleriya, tank dayanmadan işləyir, piyadalar səngərlərimizə qumbaralar atır".
Milli.Az