DÇ-də ən çox qol vuran “Barselona” futbolçularıdır

4 Dekabr 2022 13:11

"Barselona" dünya çempionatında oyunçularının qollarının sayına görə klublar arasında birinci olub.

Milli.Az oxu.az-a istinadən bildirir ki, DÇ-2022-nin 1/8 final mərhələsinin Niderland - ABŞ matçında kataloniyalı hücumçu Memfis Depay matçın 10-cu dəqiqəsində "narıncıları" irəli çıxarıb. Bu qol "Barselona"nın futbolçuları üçün DÇ matçlarında 80-ci qol olub.

Depaydan başqa, Qətərdəki turnirdə digər "katalonlar" da fərqləniblər: İspanlar Ferran Torres (2) və Qavi, polyak Robert Levandovski, danimarkalı Andreas Kristensen və niderlandlı Frenki de Yonq.

Dünya çempionatlarında 79 qolu "Bavariya", 75-ini "Real", 71-ini isə "İnter"in futbolçuları vurublar.

Milli.Az