Fransa dünən Milli Assambleyada Azərbaycan əleyhinə qətnamə qəbul etməklə bir daha həqiqi üzünü göstərməkə yanaşı, Azərbaycan-Ermənistan münasibətlərinin normallaşması prosesində özünü söz hüququndan məhrum etdi. Lakin anlamalıdır ki, bu qətnamə beynəlxalq hüququn norma və prinsipləri ilə ziddiyyət təşkil edir, rəsmi Parisin qərəzli siyasi mövqeyini bir daha açıq şəkildə göstərir.
Milli.Az xəbər verir ki, "National Defence" jurnalının baş redaktoru, politoloq İqor Korotçenko rus mediasına müsahibəsində qeyd edir ki, Fransa parlamentarilərinin üçüncü qətnaməsinin də məqsədi əvvəlki ikisi kimi Azərbaycana təzyiq etməkdir. "Onlar Bakıya siyasi və iqtisadi təzyiq göstərmək istəyirlər ki, Azərbaycan hakimiyyətini Qarabağ separatçılarına qarşı kursu hansısa yolla korrektə etməyə və İrəvanla danışıqlar mövqeyində kompromislərə getməyə məcbur etsinlər", - o bildirib.
"Bu qətnamələr ona görə mümkün olur ki, hakim elitada lazımi maliyyə və siyasi təsir rıçaqlarına malik olan Fransadakı erməni lobbisi onların yaradılması və təbliği üzərində işləyir. Ümumiyyətlə, Paris hazırda cənubda vəziyyəti gərginləşdirmək istəyinin artdığını nümayiş etdirir. Qafqaz faktiki olaraq Ermənistanı yeni təxribatlara və ya yeni düşmənçiliklərə sövq edir. Bütün bunlar böyük geosiyasi oyun kontekstində nəzərdən keçirilməlidir ki, bu da təbii ki, təkcə Azərbaycana qarşı deyil, həm də Türkiyəyə, eləcə də Rusiyaya qarşı yönəlib", - deyə İqor Korotçenko vurğulayıb.
Fransanın bu cür davranışı Ermənistan-Azərbaycan nizamlanmasına dağıdıcı təsir göstərir. "Makron Fransa prezidenti kimi dəfələrlə təkcə ermənipərəst rəğbətdə deyil, həm də İrəvanın maraqları üçün açıq lobbiçilikdə görünüb. Biz Makronun Rusiya və onun Cənubi Qafqazdakı rolu ilə bağlı alçaldıcı bəyanatlarını xatırlayırıq. Fransanın öz hərbi kontingentini Azərbaycanın Qarabağ iqtisadi rayonu ərazisində, separatçıların nəzarətində olan zonada və ya birbaşa Ermənistan ərazisində yerləşdirməkdir. Ona görə də bu kontekstdə Fransanın rolu tamamilə dağıdıcıdır", - deyə politoloq qeyd edib.
"Məhz eyni dağıdıcı mövqeni Fransa Afrikadakı keçmiş müstəmləkələrinə qarşı həyata keçirib. İndi də ondan suverenlik əldə edən dövlətlərə qarşı həyata keçirir. Fransızlar həmin ərazilərdə yerli təbii sərvətləri vəhşicəsinə istismar etməklə yanaşı, əhalini məhv ediblər. Ümumiyyətlə, fransız müstəmləkəçiləri ilə ermənilərin işğal etdikləri ərazilər arasında müəyyən paralellik var. Afrikada fransızlar özlərini necə aparıblarsa, ermənliər də son 30 ildə işğal etdikləri Azərbaycan ərazilərində elə davranıblar. Yəni üslub və üsullar tamamilə oxşardır. Bu baxımdan hesab edirəm ki, bu, təsadüfi deyil", - deyə İqor Korotçenko yekunlaşdırıb.
Azər Nuriyev
Milli.Az