Qətərdə keçirilən DÇ-2022-də daha bir baş məşqçi komandasını tərk edib.
Milli.Az apasport.az-a istinadən bildirir ki, Xerardo Martino Meksika yığmasının çalışdırıcısı vəzifəsindən ayrılıb.
Müqaviləsi başa çatan mütəxəssis komandada qalmayacağını açıqlayıb. Buna komandanın qrupdan çıxa bilməməsi səbəb olub. Son turun görüşündə Səudiyyə Ərəbistanına 2:1 hesabı ilə qalib gələn şimali amerikalılar 3-cü yerlə kifayətlənib.
Qeyd edək ki, "Barselona" və Argentinanın sabiq baş məşqçisi 2019-cu ildən Meksikanı çalışdırırdı.
Milli.Az