Azərbaycan gimnastları öz proqramlarını çox gözəl icra edir, onların çıxışını izləmək maraqlı idi.
Bunu bu gün Trend-ə Avstraliya komandasının qrup hərəkətləri üzrə məqşçisi Kayli Anderson deyib.
"Bu, mənim Azərbaycana ilk səfərimdir. Təlim-məşq toplanışları bir neçə gün əvvəl başlayıb və məhsuldar davam edir. Sabah biz Gürcüstana, sonra isə Sinqapura təlim-məşqə yollanacağıq. Bakıda gimnastika arenasında toplanış idmançılarımızı hazırlamaq üçün gözəl imkandır. Burada məhsuldar məşqlər üçün bütün şərait yaradılıb", - deyə o bildirib.
Qeyd edək ki, Milli Gimnastika Arenasında bədii gimnastika üzrə Avstraliya milli komandasının təlim-məşq toplanışı keçirilir.
Milli.Az