Britaniyalı aktyor Qari Oldman baş rolda oynadığı "Yavaş atlar" serialının çəkilişləri bitdikdən sonra kino karyerasını bitirmək niyyətində olduğunu açıqlayıb.
Milli.Az bildirir ki, onun sözlərini "The Times" sitat gətirib.
Oskar laureatı deyib ki, həyatında onu maraqlandıran başqa şeylər də var. "Mənim paxıllıq ediləcək karyeram var idi, amma hər şey getdikcə azalır. Bundan başqa, aktyorluqdan başqa məni maraqlandıran şeylər də var. Gənc olanda düşünürsən ki, hər şeyi etməyə vaxt tapacaqsan, amma illər keçir", - deyə aktyor bildirib.
Oldman gələn il 65 yaşının tamam olacağını da xatırladıb. "70 (ilə) az qalır. 80 yaşım olanda daha aktiv olmaq istəmirəm (işdə). Cekson Lemb ("Yavaş atlar" serialındakı Oldmanın obrazı) rolunu oynamaq mənim üçün (sonuncu dəfə) şərəf olardı", - aktyor öz arzusundan danışıb.
"Yavaş atlar" yazıçı Mik Herronun eyniadlı romanı əsasında çəkilmiş casus triller serialıdır. Şounun premyerası 1 aprel 2022-ci ildə baş tutub, ikinci mövsümün buraxılış tarixi dekabr ayına təyin edilib. "The Hollywood Reporter" iyun ayında serialın üçüncü və dördüncü mövsüm üçün yeniləndiyini bildirib.
İrfan Vəliyev
Milli.Az