Qubada sakinləri illərdir narahat edən yol problemi həll olunmaq üzrədir.
Milli.Az bizim.media-ya istinadən bildirir ki, İspik kənd sakinlərinin yolun asfaltlaşdırılması ilə bağlı rayon rəhbərliyinin səyyar qəbulunda qaldırdığı məsələyə müsbət cavab gəlib.
Artıq Azərbaycan Avtomobil Yolları Dövlət Agentliyi rayon mərkəzindən İspik kəndinə gələn yola asfalt döşənməsi işlərinə start verib. Bu gün Quba İcra Hakimiyyətinin başçısı Ziyəddin Əliyev asfaltlanan yolda görülən işlərlə yerində tanış olub, məsul şəxslərə müvafiq tapşırıqlarını verib.
Milli.Az