Rusiyada, Udmurtiyada 65 yaşlı Seltin bölgəsinin sakini arvadının oğlunu öldürdüyünə və nəvəsini öldürməklə hədələdiyinə görə 10 il sərt rejimli koloniyaya məhkum edilib.
Milli.Az bildirir ki, bu barədə Rusiya İstintaq Komitəsinin regional idarəsindən məlumat verilib.
İstintaqın məlumatına görə, bu il yanvarın 15-də axşam saatlarında rusiyalı ögey oğlu ilə spirtli içki qəbul edib. Onların arasında münaqişə yaranıb və bu zaman müttəhim bıçağı götürərək nəvəsinin gözü qarşısında ögey oğluna bir neçə bıçaq zərbəsi vurub. O, yerindəcə dünyasını dəyişib.
Eyni zamanda nəvə babasından atasını öldürməyi dayandırmasını istəyəndə ona bıçağı göstərib və onu da öldürməklə hədələyib.
İrfan Vəliyev
Milli.Az