Meksikanın cənub-qərbindəki Gerrero ştatında kiçik San Migel Totolapan şəhərinin inzibati binasına hücum olub.
APA "El-Universal" qəzetinəistinadən xəbər verir ki, mer Konrado Mendoza Almeda, atası və bir neçə polis də daxil olmaqla azı 7 nəfər həlak olub.
Bölgə rəsmiləri hələlik ölənlərin sayı barədə dəqiq məlumat verməyib.
İlkin məlumatlara görə, hücumu "Tequileros" mütəşəkkil cinayətkar qruplaşmasının üzvləri təşkil edib.
"Causa en Comun" qeyri-hökumət təşkilatının məlumatına görə, 2018-ci ilin dekabrından 2022-ci ilin aprelinə qədər Gerreroda 100-dən çox polis öldürülüb.
Milli.Az