Bu il yanvar ayının 1-dən etibarən istehsal tarixi 3 ildən və mühərrikinin həcmi 2500 kubsantimetrdənçox olmayan hibrid avtomobillər əlavə dəyər vergisindən azad edilib. Ancaq güzəştlərə baxmayaraq bu nəqliyyat vasitələrinin qiyməti yenə də hər kəs üçün əlçatan deyil. Amerika və Avropadan avtomobillərin ölkəyə idxalı ilə məşğul olan Kamil Zahidovun sözlərinə görə, təzə model hibrid avtomobillərə təlabat çoxaldıqca istehsal olunan ölkələrdə qiymətlər artır.
Kamil Zahidovun deyir ki, sözügedən hibrid avtomobillərinin qiyməti Avropada 18-30 min dollar arası dəyşir. Üzərinə daşınma xərcləri və digər rüsumlar əlavə olunduğu üçün həmin nəqliyyat vasitələri yerli bazarda 25-30 min dollara təklif edilir. Bəzi modellərin qiyməti isə daha yüksəkdir.
Milli.Az Xəzər Xəbər-ə istinadən xəbər verir ki, nəqliyyat məsələləri üzrə ekspert Elməddin Muradlı deyir ki, hazırda ölkəmizə daha çox ənənvi avtomobillərin hibrid modelləri gəlir. Bu səbəbdən qiymətlər olduqca yuxarıdır. Ekspertin sözlərinə görə, əgər Çindən ucuz qiymətə hibrid nəqliyyat vasitələrinin axını başlaryarsa, bir çoxlarıbu fürsətdən yararlana biləcəklər.
Ekspertin sözlərinə görə Rusiya-Ukrayna müharibəsi də hibrid avtomobillərin qiymətlərinə təsir edən amillərdəndir.
Milli.Az