ABŞ Ukraynaya yardım üçün 12 milyard dollar ayıracaq.
Milli.Az axar.az-a istinadən bildirir ki, bu barədə "Röyters" məlumat yayıb.
ABŞ Konqresində müvəqqəti xərclər haqqında qanun layihəsinin müzakirəçiləri Bayden administrasiyasının sorğusuna cavab olaraq bu məbləği daxil etməyə razılaşıblar. Beləliklə, ABŞ Konqresi Ukraynaya təqribən 12 milyard dollar məbləğində əlavə yardımın ayrılması ilə bağlı ilkin razılığa gəlib.
"Adının çəkilməsini istəməyən mənbə bildirib ki, yardıma əfqan qaçqınların köçürülməsi üçün maliyyə də daxil olacaq. Bu ayın əvvəlində ABŞ Prezidenti Co Bayden Konqresdən Ukraynaya 11,7 milyard dollarlıq yeni təcili hərbi və iqtisadi yardım ayırmağı xahiş edib", - məlumatda qeyd olunub.
Milli.Az