ABŞ administrasiyası Rusiya Prezidenti Vladimir Putinin nüvə silahı ilə bağlı açıqlamalarına çox ciddi yanaşır, lakin öz nüvə qüvvələrinin hazırlıq səviyyəsinin artırılmasına ehtiyac görmür.
Milli.Az axar.az-a istinadən xəbər verir ki, bu sözləri Ağ Evin mətbuat katibi Karin Jan-Pyer deyib.
"Biz, əlbəttə ki, bu təhdidləri çox ciddi qəbul edirik. Lakin hazırda öz nüvə hazırlığı səviyyəmizi dəyişmək üçün heç bir səbəb görmürük", - sözçü bildirib.
Qeyd edək ki, Rusiya Prezidenti Vladimir Putin ərazi bütövlüyünə təhdid yaranacağı təqdirdə nüvə silahından istifadə ediləcəyini söyləmişdi.
Milli.Az