FIA Ümumdünya Motorsport Şurası tarixdə ilk dəfə olaraq 24 mərhələni özündə birləşdirən 2023-cü il mövsümünün təqvimini təsdiqləyib.
Milli.Az Trend-ə istinadən bildirir ki, mövsüm martın 5-də Bəhreyndə başlayır və noyabrın 26-da Əbu-Dabidə başa çatır. Qətərdəki yarış ilin əvvəlində Losaildə iş aparıldığı üçün daha sonrakı tarixə təxirə salınıb.
Planlaşdırıldığı kimi, Las Veqas Qran Prisi şənbə gecəsi baş tutacaq, Çin Qran Prisi üç illik fasilədən sonra yenidən keçiriləcək, baxmayaraq ki, yarışın baş tutacağına şübhələr var. Monako və Belçikada mərhələlər də keçiriləcək.
Mohammed Ben Sulayem, FIA prezidenti: "2023 Formula 1 Dünya Çempionatının təqviminə 24 mərhələ daxildir ki, bu da idmanın qlobal miqyasda böyüməsinin və cəlbediciliyinin daha bir sübutudur.
Yeni treklərin əlavə edilməsi və ənənəvi olanların qorunub saxlanması FIA-nın sağlam yanaşmasını vurğulayır. Mən şadam ki, 2023-cü ildə biz daha da geniş azarkeş kütləsinə maraqlı Formula 1 yarışlarının yeni dövrünü təqdim edə biləcəyik".
Tarix | Qran Pri | Şəhər |
05/03 | Bəhreyn | Sahir |
19/03 | Səudiyyə Ərəbistanı | Ciddə |
02/04 | Avstraliya | Melburn |
16/04 | Çin | Şanxay |
30/04 | Azərbaycan | Bakı |
07/05 | Mayami | Mayami |
21/05 | Emilia-Romanya | İmola |
28/05 | Monako | Monako |
04/06 | İspaniya | Barselona |
18/06 | Kanada | Monreal |
02/07 | Avstriya | Şpilberq |
09/07 | Böyük Britaniya | Silverstoun |
23/07 | Macarıstan | Budapeşt |
30/07 | Belçika | Spa |
27/08 | Hollandiya | Zandfort |
03/09 | İtaliya | Montsa |
17/09 | Sinqapur | Singapur |
24/09 | Yaponiya | Suzuka |
08/10 | Qətər | Losail |
22/10 | ABŞ | Ostin |
29/10 | Meksika | Mehiko |
05/11 | Braziliya | Sao Paulo |
18/11 | Las Vegas | Las Vegas |
26/11 | Abu Dabi | Yas Marina |
Milli.Az