"Rəqib Almaniya Bundesliqasında birinci pillədədir" - "Qarabağ"ın futbolçusu

7 Sentyabr 2022 22:42

"Qarabağ"ın yarımmüdafiəçisi Marko Veşoviç Avropa Liqasının qrup mərhələsinin 1-ci turu çərçivəsində "Frayburq"a qarşı keçirəcəkləri oyundan öncə fikirlərini bölüşüb.

Milli.Az matc.az-a istinadən bildirir ki, o, bu gün Almaniyada baş tutan mətbuat konfransında bunları söyləyib:

"Sabahkı oyunu böyük həvəslə gözləyirik. Matça hazırıq. Rəqibi yaxşı analiz etmişik. Bizim təcrübəmiz var. Bu görüşədək avrokuboklarda bir neçə qarşılaşmada iştirak etmişik. Kollektivdə yaxşı abu-hava var. Rəqib Almaniya Bundesliqasında birinci pillədədir. Bizə əlavə motivasiya lazım deyil. Sabahkı qarşılaşmaya tam hazırıq".

Milli.Az