Müdafiə Sənayesi Nazirliyi Bakıda keçirilən "ADEX 2022" dördüncü Azərbaycan Beynəlxalq müdafiə sərgisində yerli minaatanlar nümayiş etdirib.
Milli.Az Trend-ə istinadən xəbər verir ki, 120 millimetrlik minaatan 43 saniyə ərzində 8 mina buraxmaq gücündədir. Mərmilərin atış məsafəsi 7 kilometrə çatır.
Bundan başqa, nazirlik daha kiçik kalibrli minaatanlar təqdim edib. Bu silahların atış məsafəsi 2-4 kilometr təşkil edir.
Minaatanlar 40, 60, 82, eləcə də 120 millimetrlik minalarla təmin oluna bilər.
Milli.Az